The news is by your side.

Advertisement

اپوزیشن کی تمام جماعتیں ایک پیج پرنہیں ہیں، غلام سرور خان

اسلام آباد: وفاقی وزیر برائے ہوا بازی غلام سرور خان کا کہنا ہے کہ اپوزیشن کی تمام جماعتیں ایک پیج پر نہیں ہیں، تمام جماعتوں کی ایک سوچ اور ایجنڈا نہیں ہے۔

تفصیلات کے مطابق وفاقی وزیر برائے ہوا بازی غلام سرور خان نے کہا کہ مسلم لیگ ن کے کچھ لوگ پاکستان تحریک انصاف میں شامل ہونے والے ہیں۔

غلام سرور خان نے کہا کہ چیئرمین سینیٹ تبدیل نہیں ہوگا۔ انہوں نے کہا کہ کسی نے بھی اے پی سی پرتوجہ نہیں دی، سب نے کرکٹ میچ دیکھا۔

انہوں نے کہا کہ اپوزیشن چیئرمین سینیٹ کے خلاف نمبرگیم کرنا چاہتی ہے، اپوزیشن کواس سے بھی کم تنخواہ پرگزارا کرنا پڑے گا۔

وفاقی وزیر نے کہا کہ اپوزیشن کی تمام جماعتیں ایک پیج پر نہیں ہیں، تمام جماعتوں کی ایک سوچ اور ایجنڈا نہیں ہے۔ انہوں نے کہا کہ مسلم لیگ ن میں بھی ٹوٹ پھوٹ شروع ہوچکی ہے۔

غلام سرور خان نے مزید کہا کہ پاکستان تحریک انصاف کے الائنس سیسہ پلائی دیوارثابت ہوں گے۔ انہوں نے کہا کہ (ن ) لیگ کے کچھ لوگ پی ٹی آئی میں شامل ہونے والے ہیں۔

اے پی سی میں انکوائری کمیشن کی مخالفت حساب نہ دینے کا بہانہ ہے، فردوس عاشق اعوان

یاد رہے کہ گزشتہ روز معاون خصوصی برائے اطلاعات فردوس عاشق اعوان کا کہنا تھا کہ اے پی سی میں انکوائری کمیشن کی مخالفت حساب نہ دینے کا بہانہ ہے اور نیشنل ڈویلپمنٹ کونسل کو مسترد کرنا قومی ترقی کے عمل میں رکاوٹ بننے کے مترادف ہے۔

Comments

comments

یہ بھی پڑھیں