The news is by your side.

Advertisement

راولپنڈی سے گلگت جانے والے بس خوفناک حادثے کا شکار

گلگت: پاکستان کی پرفضا مقام کوہستان پٹن میں مسافروں کی بس لینٖڈ سلائیڈنگ کی زد میں آگئی ہے۔

پٹن تھانہ پولیس نے حادثے کی تصدیق کرتے ہوئے بتایا کہ کوہستان پٹن کے مقام پربس لینڈ سلائیڈنگ کی زد میں آگئی جس کے نتیجہ میں چارافراد جاں بحق اور آٹھ زخمی ہوگئے ہیں، بدقسمت مسافر بس راولپنڈی سے گلگت جارہی تھی۔

پولیس کے مطابق واقعے کی اطلاع ملنے پر امدادی ٹیمیں جائے حادثے پر پہنچی اور لاشوں وزخمیوں کو ڈی ایچ کیو اسپتال پٹن منتقل کیا، فوری طور جاں بحق مسافروں کی شناخت نہیں ہوسکی ہے۔

یہ بھی پڑھیں: داسوہائیڈرو پاور پراجیکٹ پر حادثہ

واضح رہے کہ کوہستان پٹن میں لینڈ سلائیڈنگ کے باعث اکثر وبیشتر حادثات رونما ہوتے رہتے ہیں، رواں سال مارچ میں پٹن کوہستان میں ہونے والے ٹریفک حادثے میں سابق امیدوار گلگت بلتستان اسمبلی حلقہ نمبر حلقہ 1 گلگت قاسم جان جاں بحق ہوئے تھے۔

Comments

یہ بھی پڑھیں