بھارتی گینگسٹر لارنس بشنوئی کے حملے کے بعد گلوکار گپی گریوال کا چونکا دینے والا بیان سامنے آیا ہے۔
گزشتہ دنوں گینگسٹر لارنس بشنوئی نے کینیڈا میں ایک اور مشہور پنجابی گلوکار گپی گریوال کے گھر پر فائرنگ کروائی تھی، جس کے بعد بدنام زمانہ گینگسٹر لارنس بشنوئی نے اپنے اس مجرمانہ فعل کی ذمہ داری قبول کی، اور دعویٰ کیا کہ اس حملے کی منصوبہ بندی اسی نے کی۔
بھارتی میڈیا رپورٹ کے مطابق گلوکار و اداکار گپی گریوال نے اب باضابطہ طور پر بیان میں کہا ہے کہ وہ بالی وڈ اداکار سلمان خان کو دوست نہیں مانتے ہیں اور اس حملہ کے بعد وہ حیران ہیں۔
گپی گریوال نے کہا کہ اس واقعے کے بعد صدمے میں ہوں، یہ سمجھنا مشکل ہے کہ گرفتار لارنس بشنوئی نے میرے کینیڈا کے گھر پر حملہ کیا ہی کیوں، اتنا حوصلہ اس میں کیسے آیا؟
تمھیں سلمان خان بھی نہیں بچا سکتا، بھارتی گینگسٹر نے کینیڈا میں گپی گریوال پر حملہ کروا دیا
گلوکار کا کہنا تھا کہ میں بالی ووڈ اداکار سلمان خان سے صرف دو بار ملاقات کی ہے، ایک بار فلم ( موجان ہی موجان) کے ٹریلر لانچ اور دوسری بار بگ باس کے سیٹ پر ملاقات ہوئی تھی۔
گپی گریوال نے انکشاف کیا کہ سلمان خان سے میری کوئی دوستی نہیں ہے لارنس بشنوئی ان کا غصہ مجھ پر نکال رہا ہے، میرے لیے یہ اب بھی حیران کن ہے اور میں سمجھنے سے قاصر ہوں کہ میرے ساتھ کیا ہوا ہے۔
پنجابی گلوکار نے مزید کہا کہ جب یہ واقعہ ہوا تو میں حیران رہ گیا کیونکہ میں نے پہلے کبھی کسی تنازع کا سامنا نہیں کیا، میری کسی سے کوئی دشمنی نہیں ہے۔
واضح رہے کہ حملہ کرانے کے بعد گینگسٹر نے اپنی پوسٹ میں لکھا تھا کہ سلمان خان سے تمھارے قریبی تعلقات بھی تمھیں نہیں بچا سکیں گے، یہ تمھارے ’بھائی‘ کے لیے تمھارے دفاع میں قدم اٹھانے کا وقت ہے، یہ پیغام سلمان خان کے لیے بھی ہے، اور یہ سوچ کر بے وقوف نہ بننا کہ داؤد ابراہیم تمھیں ہماری پہنچ سے بچا سکتا ہے۔
