بھارتی حیدرآباد میں ایک انوکھا واقعہ پیش آیا، جب شادی سے انکار کرنے پر لڑکی نے لڑکے کو اغواء کرالیا۔
بھارتی میڈیا ذرائع کا اس حوالے سے کہنا ہے کہ حیدرآباد کی اوپل پولیس نے ٹی وی چینل کے اینکر و سافٹ ویر انجینئر کو اغوا کرنے والی نوجوان خاتون کو حراست میں لے لیا۔
پولیس ذرائع کا کہنا ہے کہ مذکورہ لڑکے نے لڑکی کی جانب سے کی گئی شادی کی پیشکش کو ٹھکرا دیا تھا، جس پر اس نے لڑکے کو اغواء کرالیا تھا۔
خاتون نے 10 فروری کی آدھی رات کو کرائے کے پانچ لوگوں کی مدد سے پرناؤ کو اغوا کر کے ایک کمرے میں قید کردیا تھا۔
رپورٹس کے مطابق 11 فروری کی صبح متاثرہ صحافی بچ نکلنے میں کامیاب ہوگیا اور سیدھا تھانے پہنچ کر خاتون کی شکایت درج کرائی۔
پولیس کی جانب سے معاملے کی تفتیش کی گئی تو معلوم ہوا کہ خاتون نے نوجوان کو شادی کے لئے اغواء کرالیا تھا۔
بھارتی میڈیا کا کہنا ہے کہ اغوا کار خاتون ڈیجیٹل مارکیٹنگ کے شعبے سے منسلک ہے اور اسے شادی کی ایک سائٹ پر پرناو کی تصاویر دیکھنے کے بعد اس سے عشق ہوگیا تھا، جبکہ لڑکے کی جانب سے انکار پر انتہائی قدم اُٹھایا۔
افغانستان: دو مجرموں کو سر عام سزائے موت دیدی گئی
اوپل پولیس نے ملزمہ کو نوجوان کو اغواء کرنے کے جرم میں حراست میں لے لیا ہے جبکہ عدالت کے حکم کے مطابق اسے ریمانڈ پر بھیج دیا گیا ہے۔
