بدھ, مئی 22, 2024
اشتہار

کراچی میں ڈکیتی کے دوران لڑکی سے اجتماعی زیادتی کا ہولناک واقعہ

اشتہار

حیرت انگیز

کراچی : سرجانی میں ڈکیتی کے دوران مسلح ملزمان نے لڑکی کو اجتماعی زیادتی کا نشانہ بنا ڈالا، اور گھر سے سامان لوٹ کر فرار ہوگئے۔

تفصیلات کے مطابق کراچی میں ڈکیتی کے دوران اجتماعی زیادتی کا ایک اور ہولناک واقعہ پیش آیا، جہاں سرجانی ٹاؤن میں مسلح ملزمان نے گھر میں گھس کر قیمتی سامان لوٹا اور لڑکی کو زبردستی اجتماعی زیادتی کا نشانہ بنا کر فرارہوگئے۔

پولیس کا کہنا ہے کہ سرجانی سیکٹر 7 اے میں رات گئے 3ملزمان گھرمیں داخل ہوئے، ملزمان نے اسلحے کے زور پر گھر کے افراد کو یرغمال بنایا، لوٹ مار کی اور سترہ سالہ لڑکی کےساتھ اجتماعی زیادتی کی۔

- Advertisement -

رات گئے اطلاع ملنےپرپولیس موقع پر پہنچی اورلڑکی کومیڈیکل کے لئےاسپتال منتقل کیا تاہم عباسی شہید اسپتال میں لیڈی ایم ایل اونہ ہونے کے باعث میڈیکل نہ ہوسکا۔

خیال رہے کہ ملک بھر میں کمسن بچیوں سمیت بچوں کے ساتھ مبینہ زیادتی کے واقعات تواتر کے ساتھ رپورٹ ہورہے ہیں، تاہم ان واقعات میں بہت کم ہی ملزمان کو گرفتا ر کیا جاسکا ہے۔

گذشتہ سال کراچی کے علاقے پی ای سی ایچ ایس بلاک 6 میں طالبہ سے مبینہ زیادتی کی کوشش کی گئی تھی، سی سی ٹی فوٹیج آنے کے باوجود پولیس ملزم کو گرفتار نہ کرسکی۔

Comments

اہم ترین

نذیر شاہ
نذیر شاہ
نذیر شاہ کراچی میں اے آر وائی نیوز کے کرائم رپورٹر ہیں

مزید خبریں