کراچی : صارف کو خراب اور اصل کے بدلے دوسرا فرنیچر دینا دکاندار کو مہنگا پڑگیا، عدالت نے دکاندار پر بھاری جرمانہ عائد کردیا۔
تتفصیلات کے مطابق کراچی کی کنزیومر کورٹ نے صارف کی خراب فرنیچر سے متعلق دائر درخواست پر فیصلہ سنا دیا، عدالت نے خراب فرنیچر دینے والے دکاندار پر 33 ہزار جرمانہ عائد کردیا۔
کنزیومر کورٹ نے حکام دیا کہ صارف کو خراب فرنیچر کے بدلے نیا فرنیچر فراہم کیا جائے اور اگر فرنیچر نہیں تو فرنیچر کے پیسے صارف کو واپس کیے جائیں۔
درخواست گزار نے عدالت کو بتایا کہ رواں سال 31 جنوری کو غریب آباد سے گھر کا فرنیچر خریدا تھا، مجموعی طور پر تمام فرنیچر کی مد میں 86 ہزار ایڈوانس ادا کیا۔
متاثرہ صارف کا کہنا تھا کہ جو فرنیچر پسند کرکے آیا تھا دکاندار نے اس کے بدلے دوسرا اور خراب فرنیچر بھیج دیا۔
واضح رہے کہ اس سے قبل بھی کنزیومر کورٹ صارفین سے دھوکہ دہی میں ملوث دکانداروں کے خلاف فیصلے سنا چکی ہے۔
