مغربی افریقی ملک مالی میں سونے کی کان دھنس گئی، جس کے نتیجے میں 70 سے زائد افراد زندگی کی بازی ہار گئے۔
بین الاقوامی خبر رساں ادارے کی رپورٹ کے مطابق مالی کے جنوب مغرب میں واقع سونے کی ایک کان گزشتہ روز دھنس گئی تھی۔ سونے کی کانوں میں اسکے طرح کے حادثات معمول بن چکے ہیں۔
مقامی حکام نے غیر ملکی خبر ایجنسی کے ساتھ گفتگو کے دوران ہلاکتوں کی تصدیق کردی ہے۔ جس وقت یہ سانحہ پیش آیا اس وقت کان میں 200 سے زیادہ افراد موجود تھے۔
اس سے قبل وینزویلا میں غیر قانونی سونے کی کان گرنے سے 23 افراد ہلاک ہوگئے تھے۔
رپورٹ کے مطابق جنوبی امریکا کے ملک وینزویلا کی ریاست بولیور کے جنگل میں قائم بولا لوکا نامی سونے کی کان گر گئی تھی۔
مقامی انتظامیہ کے مطابق کان گرنے کا واقعہ منگل کے روز پیش آیا، اُس وقت تقریباً 200 کے قریب لوگ موجود تھے۔
ڈپٹی منسٹر آف سول پروٹیکشن کی جانب سے کان گرنے کی ویڈیو کو مائیکرو بلاگنگ کی ویب سائٹ ایکس پر شیئر کیا گیا ہے۔
کویت: آتشزدگی میں 50 سے زائد افراد کی ہلاکت کے بعد گرفتاریاں
سامنے آنے والی ویڈیو میں دیکھا جاسکتا ہے کہ لوگ سونے کی کان میں کام کر رہے تھے کہ اچانک کان گرنا شروع ہو گئی، دیکھتے ہی دیکھتے اس کی زد میں درجنوں مزدور آگئے۔
