The news is by your side.

Advertisement

سونے کی فی تولہ قیمت میں ایک ہزار روپے کی کمی

کراچی / اسلام آباد: بلین مارکیٹ میں سونے کی قیمت میں 10 ڈالر کی کمی ہوئی جس کے مثبت اثرات مقامی صرافہ بازاروں پر بھی نظر آئے۔

تفصیلات کے مطابق عالمی مارکیٹ میں ٹریڈنگ کے دوران سونا 10 ڈالر کمی کے بعد 1414 فی اونس کی سطح تک پہنچ گیا، جس کے بعد مقامی صرافہ بازاروں میں فی تولہ کی قیمت میں ایک ہزار روپے کی کمی ہوئی۔جیولیرز ایسوسی ایشن کے چیئرمین محمد ارشد کے مطابق بلین مارکیٹ میں کمی کے بعد دس گرام کی قیمت میں بھی 856 روپے کی کمی ہوئی۔

حالیہ کمی کے بعد مقامی صرافہ بازاروں میں سونے کی فی تولہ اور 10 گرام قیمت بالترتیب 77 ہزار 500 اور 66 ہزار 443 روپے تک پہنچ گئیں۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔

مزید پڑھیں: سونے کی قیمتیں آسمان پر پہنچ گئیں

یاد رہے کہ 25 جون کو بلین مارکیٹ میں سونے کی قیمت میں فی اونس 20 ڈالرز کا اضافہ ہوا تھا جس کے بعد قیمت 1328 فی اونس تک پہنچ گئی تھی۔ دس روز قبل ہونے والے اضافے کے بعد سونا ملکی تاریخ کی بلند ترین سطح پر پہنچا تھا۔

پاکستان کے تمام شہروں میں موجود مقامی صرافہ بازاروں میں 25 جون کو سونے کی فی تولہ اور دس گرام کی خرید و فروخت بالترتیب 80 ہزار 500 اور 69 ہزار 15 روپے سے ہوئی تھی۔

Comments

comments

یہ بھی پڑھیں