کراچی / اسلام آباد: مقامی صرافہ بازاروں میں سونے کی فی تولہ قیمت میں 50 روپے کی کمی ریکارڈ کی گئی۔
تفصیلات کے مطابق عالمی بلین مارکیٹ میں ٹریڈنگ کے دوران سونے کی قیمت میں 15 ڈالر کی کمی ہوئی جس کے بعد فی اونس 1390 ڈالر تک پہنچ گیا۔
آل پاکستان جیولرز ایسوسی ایشن کے چیئرمین محمد ارشد کے مطابق بلین مارکیٹ کے نئے بھاؤ سامنے آنے کے بعد مقامی صرافہ بازاروں میں سونے کی فی تولہ اور دس گرام کی قیمتوں میں بالترتیب 50 اور 42 روپے کی کمی ریکارڈ کی گئی۔
مزید پڑھیں: سونے کی فی تولہ قیمت میں ایک ہزار روپے کی کمی
کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین فی تولہ 78500 اور دس گرام 67258 روپے نئے ریٹ کے ساتھ ہوئی۔
یاد رہے کہ پانچ روز قبل بلین مارکیٹ میں کمی کے بعد 10 ڈالر کمی ہوئی تھی جس کے بعد مقامی صرافہ بازاروں میں فی تولہ کی قیمت میں ایک ہزار روپے جبکہ دس گرام کی قیمت میں 856 روپے کمی ہوئی تھی۔
