کراچی: ملک میں آج کاروباری روز کے دوران سونے کی فی تولہ قیمت میں 1000 روپے کا اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 1000 روپے مہنگا ہوا جس کے بعد ایک تولہ سونے کی قیمت 2 لاکھ 73 ہزار 600 روپے ہوگئی۔
بیان کے مطابق 10 گرام سونے کی قیمت میں 857 روپے کا اضافہ ہوا، جو اضافے کے بعد 2 لاکھ 34 ہزار 568 روپے کا ہوگیا۔
بین الاقوامی مارکیٹ میں 18 ڈالر اضافے کے بعد سونے کی قیمت 2645 ڈالر فی اونس ہوگئی۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
ایف بی آر نے دسمبر 2024 میں 97 فیصد ٹیکس وصولی کا ہدف حاصل کر لیا
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
