کراچی: پاکستان میں سونے کی قیمت میں ایک بار پھر سینکروں روپے کا اضافی ہوا ہے۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 2000 روپے کا اضافہ ہوا ہے جس کے بعد فی تولہ قیمت 2 لاکھ 84 ہزار 300 روپے ہوگئی۔
اسی طرح 10 گرام سونے کی قیمت 1714 روپے اضافے سے 2 لاکھ 43 ہزار 741 روپے ہوگئی ہے۔
عالمی مارکیٹ میں فی اونس سونا 22 ڈالر اضافے سے 2748 ڈالر کا ہوگیا جبکہ چاندی کی فی تولہ قیمت مستحکم رہی ہے۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
Currency Rates in Pakistan Today- پاکستان میں آج ڈالر کی قیمت
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
