The news is by your side.

Advertisement

سونے کی قیمت نے بڑی چھلانگ لگا دی

بلین مارکیٹ میں اضافے کے بعد مقامی صرافہ بازاروں میں سونے کی فی تولہ اور دس گرام قیمتوں میں بڑا اضافہ ریکارڈ کیا گیا۔

اے آر وائی نیوز کی رپورٹ کے مطابق بلین مارکیٹ میں ٹریڈنگ کے دوران سونے کی فی اونس قیمت میں 39 ڈالر کا اضافہ ہوا جس کے بعد سونے کی ٹریڈنگ 1955 ڈالر پر ہوئی۔

انٹرنیشنل مارکیٹ میں اضافے کے بعد مقامی صرافہ بازاروں میں قیمتوں کو پر لگ گئے اور قیمتوں میں بڑا اضافہ ریکارڈ کیا گیا۔

آل پاکستان جیولرز مینوفیکچررز ایسوسی ایشن کے چیئرمین محمد ارشد کے مطابق عالمی مارکیٹ میں ہونے والے اضافے کے بعد سونے کی فی تولہ اور دس گرام کی قیمت میں بالترتیب 1350 اور 1158 روپے کا اضافہ ہوا۔

آج بتاریخ 05 نومبر  کے ریٹ

فی تولہ قیمت: -/ 116000

دس گرام قیمت: -/ 99,451

حالیہ اضافے کے بعد فی تولہ سونے کی قیمت 1 لاکھ 16 ہزار اور دس گرام کی قیمت 99 ہزار 451 روپے تک پہنچ گئی۔ کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹ میں لین دین نئے ریٹ کے ساتھ ہوئی۔

Comments

یہ بھی پڑھیں