The news is by your side.

Advertisement

سونے کی قیمتوں‌ میں‌ استحکام

کراچی / اسلام آباد: عالمی بلین مارکیٹ میں سونے کی فی تولہ قیمت میں 7 ڈالر کمی کے باوجود پاکستان کے صرافہ بازاروں میں کوئی ردوبدل نہیں ہوا۔

تفصیلات کے مطابق انٹرنیشنل مارکیٹ میں کاروباری ہفتے کے آخری دن ٹریڈنگ کے دوران سونے کی فی اونس قیمت 7 ڈالر کمی کے بعد 1419 فی ڈالر تک پہنچ گئی۔

پاکستان جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کے نرخ میں کوئی ردوبدل نہیں ہوا اور فی تولہ و دس گرام کی قیمتیں مستحکم رہیں۔

مزید پڑھیں: سونے کی فی تولہ قیمت میں‌ صرف 100 روپے کا اضافہ

کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین گزشتہ روز والے ریٹ یعنی فی تولہ 84 ہزار 350 اور دس گرام 72 ہزار 316 روپے کے ساتھ ہوئی۔

یاد رہے کہ گزشتہ روز  انٹرنیشنل مارکیٹ میں ٹریڈنگ کے دوران سونا گزشتہ روز کی قیمت 1426 ڈالر فی اونس تک مستحکم رہیں تھیں البتہ مقامی صرافہ بازاروں میں معمولی اضافہ دیکھا گیا تھا۔ گزشتہ روز مقامی صرافہ بازاروں میں سونے کی فی تولہ قیمت میں 100 روپے جبکہ دس گرام کی قیمتوں میں 86 روپے اضافہ ہوا تھا۔

Comments

یہ بھی پڑھیں