کراچی: بین الاقوامی بلین مارکیٹ میں اضافے کے بعدملک کی مقامی صرافہ مارکیٹوں میں سونا مزید مہنگا ہوگیا۔
تفصیلات کے مطابق سونے کی قیمتوں مزید بڑھ گئیں جس سے سونا پاکستانی تاریخ کی بلند ترین سطح پر آگیا۔
عالمی مارکیٹ میں ہفتہ وار کلوزنگ کے دوران سونا 3 ڈالر اضافہ کے بعد 1552 ڈالر فی اونس پر ٹریڈ ہوا، جس سے مقامی صرافہ مارکیٹوں میں سونے کی فی تولہ قیمت میں 1 ہزار روپے اضافہ ہوگیا، اس اضافے سے مقامی مارکیٹوں میں سونا 90500 فی تولہ کی سطح پر آگیا جو کہ ملکی تاریخ میں سونے کی بلند ترین قیمت ہے۔
چیئرمین آل پاکستان جیولرزایسوسی ایشن محمدارشد کے مطابق 10 گرام سونے کی قیمت میں 858 روپے کا اضافہ ہوا جس کے بعد 10 گرام سونا 77590 روپے کا ہوگیا۔
چیئرمین آل پاکستان جیولرزایسوسی ایشن کا کہنا ہے کہ عالمی مارکیٹ اور پاکستان میں سونے کی قیمتوں میں مزید تیزی دیکھی جاسکتی ہے۔
