کراچی : پاکستان میں سونا سستا ہونے کے بعد ہزاروں روپے مہنگا ہوگیا اور ، فی تولہ 3 لاکھ 49 ہزار سے تجاوز کرگئی۔
تفصیلات کے مطابق عالمی اور مقامی مارکیٹس میں سونے کی قیمت میں بڑی کمی کے بعد آج اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کی جانب سے کہا گیا کہ پاکستان میں سونا 2100روپے مہنگا ہوکر فی تولہ 3 لاکھ 49 ہزار 200روپے کا ہوگیا
اسی طرح 10گرام سونا 1800 روپے اضافے سے 2 لاکھ 99 ہزار 382 روپے کا ہوگیا۔
عالمی مارکیٹ میں فی اونس سونے کی قیمت میں 21 ڈالر کا اضافے دیکھنے میں آیا اور قیمت 3ہزار310 ڈالر کی سطح پر آگئی۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
