سعودی عرب میں آج 10 اپریل 2025 کو سونے کی فی تولہ قیمت میں معمولی اضافہ ریکارڈ کیا گیا ہے۔

فاریکس ڈاٹ پی کے کے مطابق سعودی عرب میں 24 قیراط کا فی تولہ سونا معمولی اضافے کے بعد 4 ہزار 217 ریال کا ہوگیا جبکہ 10 گرام سونا 3 ہزار 620 ریال اور فی اونس 11 ہزار 258 ریال میں فروخت کیا جا رہا ہے۔

سونے کی قیمتوں میں تازہ ترین اتار چڑھاؤ امریکی صدر ڈونلڈ ٹرمپ کی جانب سے چین، کینیڈا اور میکسیکو سمیت درجنوں ممالک پر ٹیرف عائد کرنے کے اعلان کے بعد شروع ہونے والی تجارتی جنگ کے بعد لوگوں کی محفوظ سرمایہ کاری کی طرف بڑھنے کے بعد آیا۔

؎یہ بھی پڑھیں: گھر میں سونا رکھنے کی حد مقرر

پاکستانی اوپن مارکیٹ میں سعودی ریال کی تازہ ترین شرح تبادلہ میں کمی کا رجحان دیکھا گیا، 10 اپریل 2025 کو ایک ریال 74.30 روپے کے برابر ہے۔

فاریکس ایسوسی ایشن آف پاکستان کے مطابق نئے کاروباری ہفتے کے تیسرے دن ریال کی فروخت 74.70 روپے میں ہو رہی ہے۔

سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔

جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔