اسلام آباد / کراچی / لاہور: عالمی بلین مارکیٹ میں سونے کی فی اونس قیمت میں اضافے کے بعد مقاصہ صرافہ بازاروں میں بھی قیمت رک نہ سکی۔
تفصیلات کے مطابق انٹرنیشنل مارکیٹ میں ٹریڈنگ کے دوران سونے کی قیمتوں میں اضافے کا سلسلہ جاری رہا جس کے بعد مقامی صرافہ بازاروں میں بھی سونے کی فی تولہ اور دس گرام قیمتوں میں اضافہ ہوا۔
بلین مارکیٹ میں ٹریڈنگ کے دوران سونے کی قیمت میں 3 ڈالر کا اضافہ ہوا جس کے بعد قیمت 1467 فی اونس ڈالر تک پہنچ گئی۔ پاکستان جیولرز ایسوسی ایشن کے چیئرمین محمد ارشد کے مطابق بلین مارکیٹ میں اضافے کے بعد مقامی صرافہ بازاروں میں سونے کی فی تولہ قیمت میں 400 اور دس گرام کی قیمت میں 343 روپے کا اضافہ ریکارڈ ہوا۔
مزید پڑھیں: سونے کی فی تولہ قیمت میں ایک ہزار روپے کا اضافہ
حالیہ اضافے کے بعد مقامی صرافہ بازاروں میں سونے کی فی تولہ لین دین 84 ہزار 400 اور دس گرام 72 ہزار 360 روپے تک پہنچ گئی۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین اضافی ریٹ کے ساتھ ہوئی۔
دوسری جانب انٹر بینک میں ڈالر کی قیمت روپے کے مقابلے میں کم ہوئی اور ٹریڈنگ کے دوران امریکی کرنسی 28 پیسے کمی کے بعد 158.93 پیسے پر بند ہوئی۔
یاد رہے کہ دو اگست کو مقامی صرافہ بازاروں میں سونے کی فی تولہ قیمت 1 ہزار روپے کا اضافہ ریکارڈ کیا گیا تھا۔
