کراچی : پاکستان میں سونے کی فی تولہ قیمت میں 300 روپے کا اضافہ ہوگیا جس کے بعد سونے کی فی تولہ قیمت 51 ہزار 250 روپے ہو گئی۔
تفصیلات کے مطابق مقامی مارکیٹ میں ان دنوں سونے کی فی تولہ قیمت میں اضافے کا رجحان دیکھا جا رہا ہے جس کی وجہ یہ ہے کہ عالمی مارکیٹ میں گزشتہ روز سونے کی فی اونس قیمت میں 14 ڈالر کا اضافہ ہوا ہے اور سونے کی فی اونس قیمت 1217 ڈالر کی سطح پر رہی۔
عالمی مارکیٹ میں سونے کے نرخوں میں اضافے کے باعث مقامی سطح پر بھی سونے کی قیمتوں میں اضافہ رہا اور فی تولہ سونے کی قیمت 300 روپے اضافے سے 51250، دس گرام سونے کی قیمت 257 روپے اضافے سے 43،928 روپے رہی۔
علاوہ ازیں چاندی کی فی تولہ قیمت 10 روپے اضافے سے 770 روپے کی سطح پر ریکارڈ کی گئی۔
واضح رہے کہ یورپ اور ایشیا میں سونے کے نرخ بڑھ کر ایک ماہ کی بلند ترین سطح پر پہنچ گئے جس کی وجہ ڈالر کی شرح تبادلہ میں نمایاں کمی ہے۔
