The news is by your side.

Advertisement

ملک میں سونے کی نئی قیمت سامنے آگئی

کراچی: ملک میں سونے کی فی تولہ قیمت میں 300 روپے کمی ریکارڈ کی گئی۔

اے آر وائی نیوز کی رپورٹ کے مطابق آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 300 روپے کمی کے بعد ایک لاکھ 10 ہزار 150 روپے ہوگئی۔

فی تولہ قیمت میں کمی کے بعد 10 گرام سونے کی قیمت 257 روپے کمی سے 94 ہزار 435 روپے ہوگئی۔

عالمی مارکیٹ میں بھی سونے کی قیمت میں کمی کا رجحان رہا، سونا 4 ڈالر کمی کے بعد 1809 ڈالر فی اونس پر ٹریڈ ہوا۔

مزید پڑھیں: سونے کی قیمت میں حیران کن کمی، ڈالر بھی سستا ہوگیا

واضح رہے کہ گزشتہ روز ملک میں فی تولہ سونے کی قیمت 2300 روپے کمی کے بعد ایک لاکھ 10 ہزار 450 روپے ہوگئی تھی، اسی طرح 10 گرام سونے کی قیمت 1970 روپے کمی سے 94 ہزار 693 روپے رہی تھی۔

دوسری جانب پاکستان اسٹاک ایکسچینج میں کاروبار کا مثبت اختتام ہوا، 100 انڈیکس 514 پوائنٹس کے اضافے سے 40377 کی سطح پر بند ہوا۔

Comments

یہ بھی پڑھیں