کراچی: پاکستان میں سونے کی فی تولہ قیمت میں 770 روپے کمی ریکارڈ کی گئی، ڈالر کی قدر میں بھی کمی کا سلسلہ جاری ہے۔
اے آر وائی نیوز کی رپورٹ کے مطابق آل پاکستان جیولرز مینو فیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 770 روپے کمی کے بعد ایک لاکھ 14 ہزار 500 روپے ہوگئی۔
سونے کی فی تولہ قیمت میں کمی کے بعد 10 گرام سونے کی قیمت 659 روپے کمی سے 98 ہزار 165 روپے ہوگئی، عالمی مارکیٹ میں سونے کی قیمتیں مستحکم رہیں، سونا 1902 ڈالر فی اونس پر ٹریڈ ہوا۔
مزید پڑھیں: سونا خریدنے والوں کے لیے خوشخبری
یاد رہے کہ گزشتہ کئی دنوں سے سونے کی قیمتوں میں کمی کا سلسلہ جاری ہے، گزشتہ روز بھی سونے کی قیمت میں 230 روپے کمی ریکارڈ کی گئی تھی۔
دوسری جانب انٹربینک میں 5 ماہ بعد ڈالر 161 روپے سے نیچے آگیا، فاریکس ڈیلرز کے مطابق انٹربینک میں ڈالر 14 پیسے سستا ہوگیا۔
فاریکس ڈیلرز کا کہنا ہے کہ انٹربینک میں ڈالر 160 روپے 91 پیسے پر بند ہوا، 2 ماہ میں ڈالر 7.52 روپے سستا ہوچکا ہے۔
