کراچی : سونے کی قیمت میں ایک بار پھر بڑی کمی سامنے آئی ہے، فی تولہ سونا چار ہزار تین سو روپے سستا ہوگیا جبکہ چاندی کی قیمت فی الحال مستحکم ہے۔
آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک میں فی تولہ سونا کی قیمت میں کمی ریکارڈ کی گئی ہے۔
ملک بھر میں سونے کی فی تولہ قیمت 4300 روپے کمی کے بعد 2 لاکھ روپے ہوگئی ہے جبکہ 10 گرام سونے کی قیمت 3686 روپے کمی کے بعد 1 لاکھ 71 ہزار 869 روپے ہوگئی ہے۔
بین الاقوامی بلین مارکیٹ میں فی اونس سونے کی قیمت 1 ڈالر کمی سے 1869 ڈالر فی اونس کی سطح پر آگیا ہے جس کے سبب مقامی صرافہ مارکیٹوں میں بھی کمی واقع ہوئی۔
