کراچی: آج کاروباری روز کے دوران سونے کی فی تولہ قیمت میں بڑا اضافہ ہوا، جس کے باعث، خریداروں کے ہوش اُڑ گئے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 4250 روپے مہنگا ہوگیا، جس کے بعد فی تولہ سونے کی قیمت 2 لاکھ 87 ہزار 450 روپے پر پہنچ گئی۔
اسی طرح 10 گرام سونا 3642 روپے اضافے سے 2 لاکھ 46 ہزار 440 روپے کا ہوگیا۔
عالمی مارکیٹ میں بھی سونے کی قیمت میں اضافے کا رجحان رہا اور 40 ڈالرکے اضافے کے بعد 2751 ڈالر فی اونس کا ہوگیا۔
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستانی معیشت کے لئے بڑی خبر آگئی
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
