سونے کی قیمت پھر سینکڑوں روپے بڑھ گئی

عالمی منڈی میں ڈالر کی قیمت میں اضافے کے بعد پاکستان میں بھی سونے کی قیمت میں سینکڑوں روپے کا اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 900 روپے بڑھ کر 2 لاکھ 23 ہزار 800 روپے ہوگئی ہے۔

عالمی منڈی میں فی اونس سونے کی قیمت میں 2 ڈالر کا اضافہ ہوا جس کے بعد نئی قیمت 1905 ڈالر کی سطح پر پہنچ گئی۔

ملک بھر کی صرافہ مارکیٹوں کراچی، حیدرآباد، سکھر، ملتان، لاہور، فیصل آباد، راولپنڈی اور پشاور میں فی تولہ سونے کی قیمت 900 روپے اضافے کے بعد 2 لاکھ 23 ہزار 800 روپے پر پہنچ گئی۔

اس کے علاوہ 10گرام سونے کی قیمت 771 روپے اضافے کے بعد 1 لاکھ 91 ہزار 872 روپے ریکارڈ کی گئی جبکہ فی تولہ اور دس گرام چاندی کی قیمت استحکام کے بعد بالترتیب 2750 روپے اور 2357.68 روپے کی سطح پر برقرار ہے۔

Comments