The news is by your side.

Advertisement

بین الاقوامی مارکیٹ میں اضافے کے باوجود پاکستان میں سونے کی قیمتیں مستحکم

اسلام آباد / لاہور / کراچی / کوئٹہ / پشاور: بلین مارکیٹ میں سونے کی قیمت میں اضافے کے باوجود مقامی صرافہ بازاروں میں قیمتیں مستحکم رہیں۔

تفصیلات کے مطابق انٹرنیشنل مارکیٹ میں ٹریڈنگ کے دوران سونا 11 ڈالراضافہ کے بعد  1501 ڈالر فی اونس کی بلند ترین سطح پر پہنچ گیا البتہ مقامی صرافہ بازاروں پر اس کے کوئی اثرات مرتب نہ ہوئے۔

آل پاکستان تاجر ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کی فی تولہ اور دس گرام کی لین دین گزشتہ روز والے ریٹ پر ہوئی۔

آج یعنی 9 اگست کو کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت 87 ہزار اور دس گرام 74 ہزار 588 روپے کے ساتھ ہوئی۔

مزید پڑھیں: سونے کی قیمتوں میں ریکارڈ اضافہ، تاریخ کی بلند ترین سطح پر پہنچ گیا

یاد رہے کہ 7 اگست کو مقامی صرافہ بازاروں میں سونے کی فی تولہ قیمتوں میں اضافہ ہوا تھا جس کے بعد قیمتیں بلند ترین سطح پر پہنچ گئیں تھیں ۔ مقامی صرافہ بازاروں میں 1700 روپے اضافے کے بعد سونے کی فی تولہ قیمت 86ہزار 100 روپے تک پہنچ گئی تھیں اسی طرح 10 گرام کی قیمت بھی 1400 روپے سے زائد اضافے کے ساتھ 73ہزار 816 روپے تک پہنچ گئی۔

ڈالر  : انٹربینک / اوپن مارکیٹ

کاروباری ہفتے کے اختتام پر انٹربینک میں ڈالر 19 پیسے مہنگا ہوکر 158 روپے 44 پیسے پر بند ہوا، اسی طرح اوپن مارکیٹ میں ڈالر کی قیمت 80 پیسے اضافے کے بعد 159 روپے 50 پیسے تک پہنچی۔

Comments

comments

یہ بھی پڑھیں