کراچی: پاکستان میں آج کاروباری روز کے دوران سونے کی فی تولہ سونا قیمت میں بڑا اضافہ دیکھنے کو ملا۔
آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونا 1700 روپے اضافے سے 3 لاکھ 3 ہزار 200 روپے کا ہوگیا۔
اسی طرح 10 گرام سونا 1458 روپے اضافے سے 2 لاکھ 59 ہزار 945 روپے پر پہنچ گیا۔، جبکہ عالمی مارکیٹ میں سونا 17ڈالر اضافے کے بعد 2900 ڈالر فی اونس کا ہوگیا اس کے علاوہ چاندی گی تولہ قیمت 3350 روپے پر مستحکم رہی۔
واضح رہے کہ گزشتہ روز پاکستان میں فی تولہ قیمت 4700 روپے کی بڑی کمی ہوئی تھی جس کے بعد فی تولہ 3 لاکھ ایک ہزار 500 روپے کا ہوگیا تھا جبکہ عالمی مارکیٹ میں سونا 50 ڈالر کم ہوکر 2883 ڈالر فی اونس کا ہوگیا تھا۔
پاکستان میں آج ڈالر اور دیگر کرنسیوں کی قیمت
یاد رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
بین الاقوامی منڈی میں پاکستان کو بڑی کامیابی ، بھارت کو شکست کا سامنا
پاکستان میں گزشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
