ملک میں سونے کی قیمت میں اضافے کا سلسلہ جاری ہے جبکہ ڈالر بھی مزید مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت 800 روپے اضافے کے بعد 2 لاکھ 9 ہزار روپے ہوگئی ہے۔
اسی طرح 10 گرام سونے کی قیمت 686 روپے اضافے کے بعد ایک لاکھ 79 ہزار 184 روپے ہوگئی۔
عالمی مارکیٹ میں سونے کی قیمت 1925 ڈالر پر برقرار رہی۔
ڈالر کی قدر میں اضافہ
دوسری جانب انٹر بینک میں روپے کے مقابلے میں امریکی ڈالر کی قدر میں اضافے کا سلسلہ جاری ہے۔
کاروباری ہفتے کے پہلے روز ڈالر کی قدر میں اضافہ ریکارڈ کیا گیا، انٹر بینک میں ڈالر 2 روپے 10 پیسے اضافے کے بعد 279.80 روپے کا ہوگیا۔
Interbank closing #ExchangeRate for today https://t.co/9NkXNq0O3o#SBPExchangeRate pic.twitter.com/sEONrzxoFM
— SBP (@StateBank_Pak) July 10, 2023
واضح رہے کہ انٹربینک میں آخری کاروباری روز ڈالر 277.90 روپے پر بند ہوا تھا۔