The news is by your side.

Advertisement

گولڈ برگ نے بروک لیسنر کو منٹوں میں پچھاڑ دیا

ٹورنٹو: ڈبلیو ڈبلیو ای سروائیور سیریز میں روایتی حریف گولڈ برگ نے بروک لیسنر کو منٹوں میں شکست کا مزہ چکھا دیا جس پر کانٹے دار مقابلے کی توقع رکھنے والے شائقین ششدر رہ گئے۔

تفصیلات کے مطابق ڈبلیو ڈبلیو ای سروائیور سیریز کا انتہائی اہم میچ جس کا مداحوں کو کافی عرصے سے انتظار تھا اور اس میں کانٹے دار مقابلے کی توقع تھی مگر توقعات کے برعکس یہ مقابلہ منٹوں میں ختم ہوگیا جس پر مداحوں نے انتہائی حیرت کا اظہار کیا۔

wwe-post-1
اتوار کو کینیڈا کے شہر ٹورنٹو میں ہونے والے مقابلے میں ریسلر بروک لیسنر جس شان سے رنگ میں داخل ہوئے تھے تجربہ گار گولڈ برگ نے انہیں اسی شان سے رنگ سے باہر نکالنے میں دیر نہ لگائی۔


یہ بھی پڑھیں:ڈبلیو ڈبلیو ای کا بڑا مقابلہ، گولڈ برگ اور بروک لیسنر پھر آمنے سامنے


بروک لیسنر جب رنگ میں داخل ہوئے تو گولڈ برگ سے نظریں ملاتے رہے، گولڈ برگ نے ریفری کا اشارہ ملتے ہی لیسنر پر حملہ کردیا اور پھر لیسنر سنبھل نہ پائے۔
یاد رہے کہ گولڈ برگ نے مقابلے سے قبل اپنے ایک پیغام میں کہا تھا کہ میرے کندھے میں تکلیف ہے مگر بروک لیسنر کو رنگ میں ٹھہرنے نہیں دوں گا اور وہ اپنے اس دعوے پر قائم رہے ۔

wwe-post-2
مقابلے سے قبل گولڈ برگ نے لیسنر کے منیجر’ پال ہی مین‘ کو بھی رنگ کے اندر آگاہ کرتے ہوئے کہا تھا کہ ’’میں تم سے کہہ رہا ہوں‘‘ میں تم سے کہہ رہا ہوں‘‘ بروک لیسنر اگلا شکار ہوگا۔

Print Friendly, PDF & Email

Comments

comments

یہ بھی پڑھیں