The news is by your side.

Advertisement

سعودی عرب میں مقیم پاکستانی سرمایہ کاروں کے لیے اچھی خبر

اسلام آباد: پاکستان میں تعینات سعودی سفیر نواف المالکی کا کہنا ہے کہ مملکت میں سعودی سفارت خانہ پاکستانی سرمایہ کاروں کو بھرپور تعاون فراہم کرے گا۔

تفصیلات کے مطابق سعودی سفیرنواف المالکی نے اسلام آبادچیمبرزآف کامرس کا دورہ کیا۔ اس موقع پر اظہار خیال کرتے ہوئے ان کا کہنا تھا کہ آج ایک مفاہمت کی یادداشت پر دستخط کیے ہیں، سعودی سفارت خانہ پاکستانی سرمایہ کاروں کو بھرپور تعاون فراہم کرے گا، پاکستان اور سعودی عرب کے تعلقات بہت گہرے ہیں۔

سعودی سفیر نے دفاعی پیداوار کے میدان میں ٹیکنالوجی منتقلی میں اضافے کی خواہش ظاہر کردی

انہوں نے کہا کہ سعودی عوام تک پاکستان کا مثبت امیج پہچانا ہوگا۔

سفیر کا کہنا تھا کہ پاکستان کے بارے میں اچھی باتیں بتانا ہوں گی، پاکستان میں امن و استحکام سے متعلق آگاہ کرنا ہوگا تاکہ سرمایہ آئے، پاکستان میں سرمایہ کاری کے مواقع سے متعلق بتاناہوگا۔

نواف المالکی نے مزید کہا کہ 2 لاکھ سےزائدپاکستانی سعودی عرب میں کام کررہے ہیں، پاکستان کو عظیم ملک دیکھنا چاہتے ہیں، پاکستان اور سعودی عرب کے تعلقات مثالی ہیں۔

Comments

یہ بھی پڑھیں