The news is by your side.

Advertisement

معذوروں کے لیے گوگل کا بڑا اقدام

کیلی فورنیا: انٹرنیٹ کی معروف کمپنی گوگل نے اپنے میپ میں معذور افراد کے لیے نیا فیچر متعارف کرایا ہے جو  وہیل چیئرز استعمال کرنے والے افراد کے لیے مددگار ثابت ہوگا۔

تفصیلات کے مطابق گوگل نے معذور افراد کی رہنمائی کے لیے ’گوگل میپ‘ میں ایک نیا فیچر متعارف کرایا جس کی مدد سے اب وہیل چیئرز استعمال کرنے والے افراد آمد و رفت کے لیے محفوظ راستہ اختیار کرسکیں گے اور انہیں کسی قسم کی دشواری کا سامنا نہیں ہوگا۔

انٹرنیٹ کی معروف کمپنی نے ’گوگل میپ‘ کی سروس میں معذور افراد کے لیے ریلوے اسٹیشن، بس اسٹاپ اور ائیرپورٹ کے محفوظ راستوں کی نشاندہی کی گئی ہے، یہ ایسے راستے ہوں گے جہاں وہیل چیئر آرام سے چلائی جاسکے گی۔

گوگل کی جانب سے یہ فیچر آزمائشی طور پر صرف لندن، نیویارک، ٹوکیو، میکسیکو، سڈنی شہروں کے لیے پیش کیا گیا ہے، جس کے تحت اب ان علاقوں کے معذور افراد باآسانی محفوظ راستوں کے ذریعے مقررہ منزلوں تک پہنچ سکیں گے۔

مزید پڑھیں: فلائٹ وقت پر اڑے گی؟ گوگل کا مسافروں کے لیے شاندار اقدام

کمپنی کا کہنا ہے کہ معذوروں کے لیے پیش کی جانے والی سروس میں حکومتوں کی جانب سے مقررہ راستوں یا پھر اُن جگہوں کی واضح نشاندہی کی جائے گی جہاں خودکار یا ہاتھ سے چلنے والے معذوروں کی گاڑی آسانی کے ساتھ جاسکے۔

گوگل کے مینیجر کا کہنا تھا کہ ’اس سروس کو مزید ممالک اور شہروں تک بڑھانے کے لیے ہم مذکورہ ملکوں کے شعبہ ٹرانسپورٹ سے رابطوں میں ہیں تاکہ ایسے راستوں کا تعین کیا جاسکے جن پر معذور افراد آسانی سے سفر کریں اور انہیں کسی رکاوٹ کا سامنا نہ کرنا پڑے‘۔

ایپلیکشن استعمال کرنے کا طریقہ

گوگل میپ کی نئی سہولت کو پرانی سروس کی طرح ہی استعمال کیا جائے گا، مذکورہ معذور شخص ایک مقام سے دوسری مطلوبہ جگہ کا نام لکھے گا تو اُسے موبائل اسکرین پر راستہ واضح نظر آئے گا، دوران سفر مذکورہ شخص کو مزید آسانی کے لیے ایپ سے رہنمائی بھی ملتی رہے گی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں