نیویارک : گوگل نے وائی فائی کی رفتار تیز کرنے والا آلہ متعارف کرادیا ہے ، جو واٹس ایپ کو ویب سے منسلک کرے گا، جس کی بدولت آئی فون کے شوقین بھی اب ویب پر واٹس ایپ سے لطف اندوز ہوگی۔
گوگل نے وائی فائی کی رفتار تیز کرنے والا آلہ (راؤٹر) متعارف کرا دیا ہے، جو موبائل سے واٹس ایپ کی کمپیوٹر تک رسائی ممکن بنا دیتا ہے، گوگل نے ’’آن ہب‘‘ نامی ایک ایسا راؤٹر تیار کر لیا ہے، جس سے نہ صرف وائی فائی کی رفتار کو تیز کیا جا سکتا ہے بلکہ بلیک بیری اور اینڈرائیڈ موبائل صارفین کے بعد آئی فون کے شوقین بھی اب ویب پر واٹس ایپ استعمال کرسکتے ہیں۔
اب براؤزر کے ذریعے واٹس ایپ تک رسائی سے آپ موبائل فون کی چیٹنگ کو اپنے پرسنل کمپیوٹر پر بھی لا سکتے ہیں۔ اس سے قبل ایپل کی جانب سے یہ سہولت تو موجود تھی لیکن آئی فون استعمال کرنے والے اس سے محروم تھے۔ گوگل کے اس نئے راؤٹر نے یہ مسئلہ حل کر دیا ہے۔
نیا راؤٹر استعمال کرنے کے لیے واٹس ایپ کو اپنے آئی فون پر لانچ کیجیے اور سیٹنگ میں واٹس ایپ ویب پر جائیے۔ اس کے بعد کیو آر کوڈ کو ویب سائٹ پر سکین کرنے سے کروم ویب براؤزر سے ہر قسم کی چیٹنگ تک رسائی آسانی ہو جائے گی۔
انفارمیشن ٹیکنالوجی کے ماہرین کا کہنا ہے کہ اس نئے اضافے سے واٹس ایپ کی مقبولیت میں اضافہ ہو جائے گا، راؤٹر کو ستمبر کے آغاز میں صارفین کے لیے پیش کیا جائے گا، جس کی قیمت دوسو ڈالر رکھی گئی ہے۔
