اسلام آباد: وزیر اعظم کے معاونِ خصوصی برائے اسٹیبلشمنٹ محمد شہزاد ارباب نے ریٹائرمنٹ کی عمر کم کرنے کے حوالے سے پھیلنے والی خبروں کو بے بنیاد قرار دے دیا۔
سرکاری میڈیا رپورٹ کے مطابق معاونِ خصوصی برائے اسٹیبلشمنٹ کا کہنا تھا کہ وفاقی ملازمین کی ریٹائرمنٹ کی عمر 55 سال مقرر کرنے کی خبروں میں کوئی صداقت نہیں ہے‘۔
انہوں نے بتایا کہ حکومت ایسے کسی اقدام پر غور بھی نہیں کررہی، اسی طرح سرکاری ملازمین کو پینشن اور دیگر مراعات کے بغیر ریٹائرمنٹ کی خبریں بھی درست نہیں ہیں۔
یاد رہے کہ گزشتہ دنوں غیر مصدقہ ذرائع کو بنیاد بنا کر سماجی رابطے کی ویب سائٹس پر یہ خبریں زیر گردش تھیں کہ حکومت پاکستان نے سرکاری ملازمین کی ریٹائرمنٹ کی عمر پانچ سال کم کردی۔
وفاقی ملازمین کی ریٹائرمنٹ کی عمر 55 سال مقرر کرنے کی خبروں میں کوئی صداقت نہیں، ایسا کوئی اقدام حکومت کے زیر غور نہیں، اسی طرح سرکاری ملازمین کو پینشن اور دیگر مراعات کے بغیر ریٹائر کرنے کی خبریں درست نہیں۔
معاون خصوصی برائے اسٹیبلشمنٹ محمد شہزاد ارباب pic.twitter.com/mdQv7Bh0Vj— Govt of Pakistan (@pid_gov) July 16, 2020
یہ اطلاع سامنے آئی تھی کہ حکومت نے ریٹائرمنٹ کی عمر 60 سال سے کم کر کے 55 سال کرنے اور سرکاری ملازمین کو ریٹائرمنٹ کے بعد پینشن یا دیگر مراعات نہ دینے پر غور شروع کردیا۔
