اسلام آباد : وزیر اعظم نواز شریف کی سربراہی میں نیشنل ایکشن پلان سے متعلق ہونے والے اجلاس میں سیاسی و عسکری قیادت نے اعلیٰ سطح کی ٹاسک فورس قائم کرنے پر اتفاق کیا ہے.
تفصیلات کےمطابق نیشنل ایکشن پلان سے متعلق اجلاس جمعرات کے روز وزیر اعظم ہاؤس میں ہوا۔ جس میں وزیر اعظم نواز شریف، آرمی چیف جنرل راحیل شریف،وزیر داخلہ چوہدری نثار اور وزیر خزانہ اسحاق ڈار کے علاوہ دیگر سیاسی و عسکری شخصیات موجود تھیں.
وزیر اعظم ہاؤس سے جاری ہونے والے اعلامیے کے مطابق نیشنل ایکشن پلان پر عملدرآمد کے لیے بنائی جانے والی یہ اعلیٰ سطح کی ٹاسک فورس تمام متعلقہ وفاقی اور صوبائی اداروں اور ایجنسیوں کے اعلیٰ اہلکاروں پر مشتمل ہوگی.
اعلامیے کے مطابق وزیر اعظم نواز شریف نے ہدایت کی ہے کہ نیشنل ایکشن پلان پر عملدرآمد کو یقینی بنانے کے لیے ہر طرح کی کوششوں کو یقینی بنایا جائے.
*وزیراعظم نواز شریف کی زیر صدارت قومی سلامتی کا اہم اجلاس
اجلاس میں اس بات پر بھی زور دیا گیا کہ عوام کو تحفظ فراہم کرنے اور نیشنل سکیورٹی کو یقینی بنانے میں انٹیلی جنس اداروں کا اہم کردار ہے، جس کے لیے انھیں تمام ضروری وسائل اور مدد فراہم کی جائے گی.
*قومی سلامتی پر پارلیمانی کمیٹی بنائی جائے، سید خورشید شاہ
یاد رہے کہ گزشتہ روزخورشید شاہ کا کہنا تھا اپوزیشن لیڈر نے کہا کہ حکومت اچھائی کو خود ہی روند ڈالتی ہے،حکومت اکیلے مقابلہ نہیں کرسکتی،دہشت گردوں کے خلاف قومی جنگ لڑنا ہوگی.
