The news is by your side.

حکومت کا ٹیکسٹائل ملز کو گیس کی فراہمی بند کرنے کا فیصلہ

لاہور: حکومت نے پنجاب کی ٹیکسٹائل ملز کو گیس کی فراہمی بند کرنے کا فیصلہ کرلیا ہے۔

اے آر وائی نیوز کی رپورٹ کے مطابق حکومت نے ٹیکسٹائل انڈسٹری کو ایک ہفتہ کیلئے گیس کی فراہمی بند کرنے کا فیصلہ کرلیا ہے، جس کے بعد ٹیکسٹائلز ملز کو آج رات 12 بجے گیس کی فراہمی بند کردی جائے گی۔

ذرائع کا کہنا ہے کہ لاہور کیپٹو پاور پلانٹس رکھنے والی ٹیکسٹائل ملز کے گیس بند کی جائے گی، گیس بندش کا فیصلہ پاور، فرٹیلائزر سیکٹر کو گیس کی فراہمی بلاتعطل جاری رکھنے کیلئے کیا گیا ہے۔

سوئی ناردرن گیس کمپنی نے گیس بندش کے بارے میں ملز کو آگاہ کردیا ہے۔

اپٹما نے حکومتی فیصلے کو مسترد کرتے ہوئے ٹیکسٹائل ملز کو گیس کی فراہمی فوری بحال کرنے کا مطالبہ کیا ہے، اپٹما کا کہنا ہے کہ گیس بندش سے بڑے نقصان کا سامنا کرنا پڑے گا۔

Comments

یہ بھی پڑھیں