The news is by your side.

Advertisement

کورونا سے جاں بحق سرکاری ملازمین سے متعلق سندھ حکومت کا بڑا اعلان

سندھ حکومت نے عالمی وبا کورونا سے دوران ملازمت جاں بحق ہونے والے سرکاری ملازمین کے لواحقین کے لیے مالی امداد کا اعلان کیا ہے۔

اے آر وائی نیوز کے مطابق سندھ حکومت نے عالمی وبا کورونا کے باعث دوران ملازمت انتقال کرجانے والے سرکاری ملازمین کے لواحقین کو 10 لاکھ روپے امداد دینے کا اعلان کیا ہے۔

ذرائع نے بتایا ہے کہ محکمہ خزانہ سندھ نے امداد سے متعلق مراسلہ تمام سرکاری محکموں کو جاری کردیا گیا ہے۔

یاد رہے کہ کورونا کی عالمی وبا سے صوبہ سندھ میں مجموعی طور پر 8 ہزار 600 سے زائد اموات ہوئی ہیں جن میں سے سرکاری ملازمین کی تعداد سینکڑوں میں ہے۔

مزید پڑھیں: تنخواہیں بند : کورونا ویکسین نہ لگوانے والے سرکاری ملازمین کیلئے اہم اعلان

واضح رہے کہ اس سے قبل سندھ حکومت نے کورونا سے تحفظ کی ویکسین نہ لگوانے والے سرکاری ملازمین کی تنخواہیں بند کرنے کا اعلان کیا تھا۔

Comments

یہ بھی پڑھیں