لاہور : جماعت اسلامی رہنما لیاقت بلوچ کا کہنا ہے پی ٹی آئی کو مینڈیٹ ملا ہے تو آئینی طریقے سے ان کا ساتھ دینے کو تیار ہیں۔
تفصیلات کے مطابق جماعت اسلامی رہنما لیاقت بلوچ نے پی ٹی آئی کی جانب سے حکومت سازی کیلئے رابطوں کی تصدیق کردی، لیاقت بلوچ نے بتایا کہ پی ٹی آئی رابطوں کا ہماری طرف سے مثبت جواب دیا گیا، ہم ہر قسم کے تعاون کیلئے تیار ہیں۔
رہنماجماعت اسلامی کا کہنا تھا کہ پی ٹی آئی بتائے کس قسم کا تعاون اور مدد چاہیے، ہر مدد کیلئےتیار ہیں، پی ٹی آئی کو مینڈیٹ ملا ہے تو آئینی طریقے سے ان کا ساتھ دینے کو تیار ہیں۔
انھوں نے مزید کہا کہ لائحہ عمل طے ہونے کے بعد مشاورت کا عمل شروع کریں گے، پی ٹی آئی سے رابطہ ہوا ،تاحال کوئی حتمی فیصلے نہیں ہوئے
نائب امیرجماعت اسلامی کا کہنا تھا کہ پی ٹی آئی کے آزادامیدوار عوامی مینڈیٹ رکھتے ہیں ، پی ٹی آئی کو مینڈیٹ تحفظ کیلئے جماعت اسلامی کی ضرورت پڑی تو خوش آمدیدکہیں گے اور عوامی مینڈیٹ کےاحترام میں اگرضرورت پڑی توجماعت اسلامی پی ٹی آئی کا ساتھ دے گی۔
