لاہور:وزیراعلیٰ پنجاب سردار عثمان بزدار کا کہنا ہے کہ تحریک انصاف حکومت نے جنوبی پنجاب کے عوام سے کیا وعدہ پورا کر دیا۔
تفصیلات کے مطابق سماجی رابطے کی ویب سائٹ ٹویٹر پر وزیراعلیٰ پنجاب سردار عثمان بزدار نے اپنے پیغام میں کہا کہ 16محکموں کے سیکریٹریز،افسران اختیارات کے ساتھ ساؤتھ پنجاب سیکرٹریٹ میں بیٹھیں گے۔
عثمان بزدار کا کہنا تھا کہ حکومت نے جنوبی پنجاب کے عوام سے کیا وعدہ پورا کر دیا۔انہوں نے اپنے پیغام میں بتایا کہ ایڈیشنل چیف سیکرٹری کے پاس بھی چیف سیکرٹری کے تمام اختیارات ہوں گے۔
الحمد للہ آج تحریک انصاف کی حکومت نے جنوبی پنجاب کی عوام سے کیا ایک اور وعدہ پورا کر دیا
پنجاب کے 16 محکموں کے سیکریٹریز اور افسران اب مکمل اختیارات کے ساتھ ساؤتھ پنجاب سیکرٹریٹ میں بیٹھیں گے اور ایڈیشنل چیف سیکرٹری کےپاس بھی چیف سیکرٹری کی تمام پاورز ہوں گی. #SubaJunoobiPunjab
— Usman Buzdar (@UsmanAKBuzdar) August 13, 2020
یاد رہے کہ گزشتہ ہفتے وزیراعلیٰ پنجاب سردار عثمان بزدار سے وزیر خارجہ شاہ محمود قریشی نے ملاقات کی تھی جس میں باہمی دلچسپی کے امور، سیاسی صورت حال اور جنوبی پنجاب سیکرٹریٹ کے امور پر تبادلہ خیال کیا گیا تھا۔
وزیراعلیٰ پنجاب کا کہنا تھا کہ سابق حکمرانوں نے جنوبی پنجاب کی ترقی کے نام پر لیے گئے فنڈ اپنے حلقوں پر لگائے، جنوبی پنجاب کے عوام نے ترقی کے نام پر دھوکہ دینے والوں کو عام انتخابات میں بری طرح مسترد کیا۔
