17.9 C
Ashburn
منگل, مئی 28, 2024
اشتہار

مقررہ تاریخ کے بعد ٹیکس ریٹرن جمع کرانے والوں پر کوئی جرمانہ نہیں‌ ہوگا، حکومتی اعلان

اشتہار

حیرت انگیز

اسلام آباد: وزیرمملکت برائے ریونیو حماد اظہر نے کہا ہے کہ حکومت نے دیر سے ٹیکس ریٹرن جمع کرانے والوں پر عائد جرمانہ ختم کردیا۔

سماجی رابطے کی ویب سائٹ ٹویٹر پر حماد اظہر نے ٹیکس فائلرز کو بڑی خوش خبری سناتے ہوئے کہا کہ ’حکومت نے مقررہ تاریخ کے بعد ریٹرن جمع کرانے والوں پر عائد ہونے والے جرمانے کو ختم کردیا‘۔

- Advertisement -

اُن کا کہنا تھا کہ حکومت ٹیکس فائلرز کو سہولتیں دینے کے لیے پرعزم ہے، ٹیکس فائلرز کے آڈٹ اور مقررہ تاریخ کے بعد ریٹرن فائل کرنے پر جرمانے کا فیصلہ گزشتہ حکومت کا تھا جسے ختم کردیا گیا۔

یاد رہے کہ فیڈرل بورڈ آف ریونیو (ایف بی آر) نے ٹیکس ریٹرن جمع کرانے کی آخری تاریخ 30 نومبر مقرر کی ہوئی ہے اور تمام فائلرز کو ہدایت کی کہ وہ مقررہ تاریخ تک اپنے گوشوارے جمع کرادیں۔

مزید پڑھیں: ایف بی آر میں اصلاحات کے فیصلے کی بھرپور حمایت کرتے ہیں: پاکستان اکانومی واچ

قبل ازیں مقررہ تاریخ گزر جانے کے بعد ریٹرن فائل کرنے والے شخص کو اضافی رقم بطور جرمانہ ادا کرنا پڑتی تھی اس کے علاوہ آڈٹ کے مرحلے سے بھی گزرنا پڑتا تھا۔

واضح رہے کہ عمران خان نے اپنی انتخابی مہم کے دوران متعدد بار اعلان کیا تھا کہ تحریک انصاف کی حکومت تاجروں کو ریلیف دے گی تاکہ ملکی معیشت کو بہتری کی طرف لایا جائے اور بیرونی قرضوں سے نجات حاصل کی جاسکے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں