The news is by your side.

Advertisement

رانا ثنا کی گرفتاری سے حکومت کا کچھ لینا دینا نہیں: وزیر اعظم عمران خان

اسلام آباد: وزیر اعظم عمران خان نے کہا ہے کہ رانا ثنا اللہ کی گرفتاری سے حکومت کا کوئی لینا دینا نہیں ہے، انتقام کی سیاست پی ٹی آئی کا نظریہ نہیں۔

تفصیلات کے مطابق وزیر اعظم کی زیر صدارت پارٹی ترجمانوں اور رہنماؤں کا اجلاس منعقد ہوا، ذرایع کے مطابق اجلاس میں وزیر اعظم نے اپوزیشن رہنماؤں کی گرفتاریوں کے بعد پیدا ہونے والی صورتِ حال پر مشاورت کی۔

وزیر اعظم عمران خان نے اجلاس میں دورانِ بجٹ اپوزیشن کی تنقید کا جواب دینے پر ترجمانوں کی تعریف کی۔

ذرایع کا کہنا ہے کہ اجلاس میں ملک کی موجودہ سیاسی صورتِ حال کا جائزہ لیا گیا، سابق صوبائی وزیر قانون رانا ثنا کی گرفتاری سے متعلق وزیر اعظم نے کہا کہ حکومت کا اس سے لینا دینا نہیں، انتقام کی سیاست پی ٹی آئی کا نظریہ نہیں۔

وزیر اعظم نے کہا کہ پاکستان میں اب ادارے اور عدالتیں آزاد ہیں، جن پر مقدمات ہیں وہ عدالتوں میں ان کی صفائی دیں، حکومت پر الزام لگا کر اپوزیشن اپنے جرائم سے توجہ ہٹانا چاہتی ہے۔

وزیر اعظم نے یہ بھی کہا کہ بے نامی جائیداد رکھنے والوں کو پورا موقع دیا گیا، اب ان کے خلاف بلا تفریق کارروائی ہوگی۔

انھوں نے دورۂ امریکا سے متعلق بھی بات کی اور کہا کہ اس دورے سے دو طرفہ تعلقات اور خطے کی صورتِ حال میں بہتری آئے گی۔

Comments

comments

یہ بھی پڑھیں