اسلام آباد : چیئرمین تحریک انصاف عمران خان کا کہنا ہے کہ ضمانت کے باوجود حکومت مجھے گرفتارکرنا چاہتی ہے، یہ لندن پلان کاحصہ اورنوازشریف کا مطالبہ ہے۔
تفصیلات کے مطابق چیئرمین تحریک انصاف عمران خان نے عدالت جاتے ہوئے ویڈیو پیغام میں کہا کہ اسلام آباد کی عدالت جارہا ہوں، بدقسمتی سے حادثہ ہواہےاس وجہ سے تاخیرہوگئی ہے۔
عمران خان کا کہنا تھا کہ مجھے گرفتار کرنے کا انہوں نے پورا پلان بنا رکھا ہے، اس سے حکومت کی بدنیتی ثابت ہوتی ہے، میں اسلام آباد کی عدالت میں پہلے بھی جارہا تھا کہ انہوں نے میرے گھر پر حملہ کیا۔
چیئرمین پی ٹی آئی نے کہا کہ ان کا مقصد مجھےاسلام آبادکی عدالت میں پیش کرنانہیں تھا، مجھے جیل میں ڈالناتھا، یہ لندن پلان کاحصہ ہےکہ عمران خان کوجیل میں ڈالو۔
ان کا مزید کہنا تھا کہ نوازشریف کی ڈیمانڈ ہے عمران خان کو جیل میں ڈالو تاکہ الیکشن میں حصہ نہ لے سکے، مجھے پتہ ہے یہ گرفتار کرنے جا رہے ہیں، میں رول آف لا کو مانتا ہوں۔
عمران خان نے کہا کہ قوم کو بتانا چاہتا ہوں چور،ڈاکو جو اوپر بٹھائے گئے ہیں وہ بے نقاب ہوگئےہیں، انہوں نے ملک میں جنگل کا قانون نافذ کر رکھا ہے۔
