لاہور: گورنر پنجاب بلیغ الرحمان نے وزیراعلیٰ پرویز الہیٰ کو اعتماد کا ووٹ لینے کا کہہ دیا۔
تفصیلات کے مطابق گورنر پنجاب نے وزیراعلیٰ سیکرٹریٹ کو خط بھجوا دیا ہے، جس میں کہا گیا ہے کہ پنجاب اسمبلی کا اجلاس 21 دسمبر شام 4 بجے بلایا جائے، جس میں وزیراعلیٰ پنجاب اعتماد کا ووٹ لیں۔
گورنرپنجاب نے اپنے بیان میں کہا کہ وزیراعلیٰ پنجاب اراکین اسمبلی کا اعتماد کھو چکےہیں، حالیہ بیانات سے پی ٹی آئی اور مسلم لیگ ق کے درمیان اختلافات واضح ہوگئے، دونوں حکومتی اتحادی جماعتوں میں ترقیاتی منصوبوں، افسران کےٹرانسفر پراختلافات ہوچکے۔
یہی نہیں وزیراعلیٰ نےایک رکن پنجاب اسمبلی خیال احمد کو کابینہ میں شامل کیا، پی ٹی آئی چیئرمین نےاس سےلاعلمی کا اظہارکیا جس سےاختلافات ظاہر ہیں، سردار حسنین کی کابینہ اجلاس کےدوران تلخ کلامی ہوئی جس پر وہ مستعفی ہوگئے ۔
گورنر پنجاب بلیغ الرحمان کی جانب سے جاری بیان میں کہا گیا کہ کافی دن سے یہ بات بھی گردش کررہی ہے کہ وزیراعلیٰ پنجاب اپنے پارٹی صدر،اراکین کا اعتماد کھوچکے۔
یہ بھی پڑھیں: ’پرویز الٰہی ’پی ڈی ایم‘ کے ’وزیراعلیٰ‘ آسکتے ہیں، معاون خصوصی کا دعویٰ
گورنر کے حکم نامے میں کہا گیا کہ وزیراعلیٰ پرویزالٰہی نے چار دسمبرکوٹی وی انٹرویومیں کہا وہ مارچ تک اسمبلی تحلیل نہیں کرینگے، وزیراعلیٰ کا یہ بیان پی ٹی آئی کی پارٹی پالیسی کیخلاف تھا جس پردو اراکین مستعفی بھی ہوئے، سترہ دسمبر کو وزیراعلیٰ نےعمران خان کےسابق آرمی چیف کیخلاف کمنٹس پر بھی تنقید کی۔
گورنر پنجاب کے حکم نامے میں کہا گیا کہ پنجاب اسمبلی کے ایوان میں حکومتی اتحاد اوراپوزیشن اتحاد میں بہت کم عددی فرق ہے،بطور گورنراس بات پر متفق ہوں کہ وزیراعلیٰ پرویزالٰہی ایوان کی اکثریت کااعتمادکھوچکے، آرٹیکل 130(7)کےتحت میں بدھ21دسمبر کو4بجےاسمبلی کااجلاس طلب کرتاہوں، 21دسمبرسہ پہر4بجےپنجاب اسمبلی اجلاس میں وزیراعلیٰ پرویزالٰہی اعتماد کا ووٹ لیں۔
