تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

‘چین کی جانب سے ٹائیگرز فورس منصوبہ کی تعریف پاکستانی قوم کیلئے اعزاز ہے’

لاہور : گورنرپنجاب چوہدری محمد سرور نے کہا ہے کہ چین سے انصاف ٹائیگرز فورس منصوبہ کی تعریف قوم کیلئے اعزاز ہے، وزیر اعظم عمران خان اپنے کامیاب ویژن سے ملک کومضبوط بنارہے ہیں۔

تفصیلات کے مطابق لاہور میں مر کزی تنظیم تاجران پاکستان کے وفد اور دیگر نے گورنر پنجاب چوہدری محمد سرور سے ملاقات کی، چیئر مین شیخ محمد فیاض نے گورنر پنجاب کو تاجروں کے مسائل سے آگاہ کیا۔

اس موقع پر چوہدری محمد سرور نے کہا چین سے انصاف ٹائیگرز فورس منصوبہ کی تعریف قوم کیلئے اعزاز ہے، ہر گزرتے دن کیساتھ دنیا میں پاکستان کا امیج بہتر ہورہا ہے، وزیر اعظم عمران خان اپنے کامیاب ویژن سے ملک کومضبوط بنارہے ہیں۔

چوہدری محمد سرور کا کہنا تھا کہ مسائل کے فوری حل کیلئے ہنگامی اقدامات کیے جا رہے ہیں، کورونا سے بچاؤ کیلئے تاجر وں سمیت تمام طبقات کو ایس او پیز پر عمل کر نا چاہیے۔

گورنر پنجاب نے مزید کہا ملک کو معاشی طور پر مضبوط بنانے کیلئے حکومت مشکل اور سخت فیصلے کر رہی ہے، معیشت کے استحکام کیلئے بیک وقت مختصر اور طویل مدتی پالیسیوں پر کام ہورہا ہے۔

یاد رہے چین نے ٹائیگرز فورس قائم کرنے کے اقدام کی تعریف کرتے ہوئے پاکستان سے درخواست کی ہے کہ ٹائیگرز فورس سے متعلق معلومات اور تجربے کا تبادلہ کیا جائے۔

Comments

- Advertisement -