تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

کراچی میں بارش سے متاثرہ افراد کے لیے خوش خبری

لاہور: گورنر پنجاب چوہدری سرور بارش سے متاثرہ افراد کی مدد کے لیے کل کراچی پہنچیں گے۔

تفصیلات کے مطابق فرینڈز آف پاکستان کے رہنماؤں کے ساتھ گورنر ہاؤس لاہور میں نیوز کانفرنس کرتے ہوئے گورنر پنجاب چوہدری سرور نے کہا کہ منگل کو کراچی جا کر بارشوں سے ہونے والے نقصان کا تخمینہ لگائیں گے، وزیر اعلیٰ سندھ مراد علی شاہ اور گورنر عمران اسماعیل سے بھی ملاقات کروں گا۔

نیوز کانفرنس میں چیئرمین اخوت فاؤنڈیشن ڈاکٹر امجد ثاقب نے کہا ہم کراچی میں بارش سے متاثرہ گھروں کی تعمیر اور مرمت کے لیے بلاسود قرضے دیں گے، کراچی میں تقریباً 10 ہزار افراد کے گھر متاثر ہوئے ہیں، یہ قرضے آسان اقساط پر فراہم کیے جائیں گے۔

صنعت کار گوہر اعجاز نے کہا کہ فرینڈز آف پاکستان کے نام سے ایک گروپ بنایا گیا ہے، جس میں بڑے صنعت کاروں کو شامل کیا گیا ہے، یہ گروپ لوگوں کی مدد کے لیے منگل کو کراچی جائے گا، اور متاثرہ افراد میں ایک ماہ تک کا راشن تقسیم کیا جائے گا۔

گورنر پنجاب کا کہنا تھا وزیر اعظم نے ہدایت کی ہے کہ سب مل کر کام کریں، ہم منگل کو کراچی جا کر نقصانات کا تخمینہ لگائیں گے، تمام لوگوں کو پیغام ہے کہ آئیں مل کر کام کرتے ہیں۔

انھوں نے کہا پوری دنیا میں سیاسی پوائنٹ اسکورنگ ہوتی ہے، کرونا کے دوران ہم سب نے مل کر کام کیا، اب سیاست سے بالاتر ہو کر سندھ میں کام کرنا ہے، وزیر اعظم کراچی کی صورت حال کی خود نگرانی کر رہے ہیں۔

چوہدری سرور کا کہنا تھا اپوزیشن کو بھی کراچی جانا چاہیے، جو بھی اچھا کام کرے اس کی حمایت کرنی چاہیے۔ واضح رہے کہ اپوزیشن لیڈر شہباز شریف بھی کراچی کا دورہ کریں گے۔

Comments

- Advertisement -