کراچی : گورنر سندھ ڈاکٹر عشرت العباد خان نجی دورے پر دبئی روانہ ہوگئے ہیں، جہاں ان کی سابق صدرآصف علی زرداری سے ملاقات متوقع ہے۔
تفصیلات کے مطابق گورنر سندھ ڈاکٹر عشرت العباد خان نجی دورے پر دبئی روانہ ہوگئے ہیں، بیرون ملک قیام کے دوران اسپیکر سندھ اسمبلی آغا سراج درانی قائم مقام گورنر ہونگے۔
ذرائع کے مطابق گورنرسندھ اور سابق صدر آصف زرداری کی ملاقات میں موجودہ کشیدہ سیاسی صورتحا ل پر تبادلہ خیال کا امکان ہے، وفاقی اور قانون نافذ کرنےوالے اداروں کی جانب سے سندھ میں حالیہ کارروائیوں اور ڈاکٹرعاصم کی گرفتاری کے بعد پیدا ہونے والی صورتحال پر غور کیا جائے گا۔
- Advertisement -
امکان ہے کہ پیپلزپارٹی کی جانب سے حکمران جماعت پر انتقامی سیاست کے الزامات پر بھی دونوں رہنماؤں میں تبادلہ خیال ہوگا۔
