گورنر سندھ عمران اسماعیل سے خالد مقبول صدیقی کی ملاقات، شکوے اور شکایتیں -
The news is by your side.

Advertisement

گورنر سندھ عمران اسماعیل سے خالد مقبول صدیقی کی ملاقات، شکوے اور شکایتیں

کراچی : گورنر سندھ عمران اسماعیل سے ایم کیو ایم کے کنونیئر اور وفاقی وزیر ڈاکٹر خالد مقبول صدیقی نے ملاقات کی، ملاقات میں سیاسی صورتحال، تجاوزات کیخلاف آپریشن پر اظہار تشویش اور دیگر اہم امور پر تبادلہ خیال کیا گیا۔

ڈاکٹر خالد مقبول نے عمران اسماعیل سے گفتگو میں شکوے اور شکایتیں کیں ان کا کہنا تھا کہ صوبہ سندھ کی محرومیوں کو دور کرنے کی ضرورت ہے۔

متحدہ قومی موومنٹ کے کارکنان کے گھروں پر چھاپے اور گرفتاریوں کا سلسلہ تاحال جاری ہے، پی ٹی آئی حکومت کی جانب سے اب تک تحریری معاہدے پر عمل درآمد نہیں ہوسکا ہے۔

اس موقع پر گورنر سندھ عمران اسماعیل کا کہنا تھا کہ صوبے سندھ کی ترقی کے لیے دونوں جماعتوں کا ساتھ چلنا ناگزیر ہے، وزیراعظم عمران خان سے اس معاملے پر رابطے میں ہیں، جو وعدے کیے وہ ضرور پورے کریں گے۔

گورنر سندھ کا مزید کہنا تھا کہ امن، معاشی ترقی و استحکام کے لیے اسٹیک ہولڈرز کو ساتھ لے کر چلیں گے، ایم کیو ایم کے تحفظات کو وزیراعظم کے دورہ کراچی کے موقع پر ان کے سامنے رکھوں گا۔

ملاقات میں ڈاکٹر خالد مقبول صدیقی اور عمران اسماعیل نے اس بات پر اتفاق کیا کہ کراچی کے لوگوں کو بے گھر کرنے کی پالیسی نہ ہماری ہے اور نہ آپ کی۔

Comments

comments

یہ بھی پڑھیں