کراچی : گورنر سندھ کامران ٹیسوری کا کہنا ہے کہ ایک کروڑ لوگوں کی بدعائیں ہیں کہ آج بانی پی ٹی آئی جیل میں ہیں، ان کو آخری عشرے میں معافی مانگنی چاہیئے۔
تفصیلات کے مبانق گورنر سندھ کامران ٹیسوری نے میڈیا سے گفتگو کرتے ہوئے کہا کہ بانی پی ٹی آئی کو آخری عشرے میں معافی مانگنی چاہیئے، ایک کروڑ لوگوں کی بدعائیں ہیں کہ آج آپ جیل میں ہیں۔
،گورنر سندھ نے عمران خان کو مخاطب کرتے ہوئے کہا کہ آپ نے 50لاکھ لوگوں کا دل دکھایا جنہیں چھت ملنے کی امید دلائی گئی۔
ان کا کہنا تھا کہ آپ نےٹرمپ انتظامیہ سے جو امید لگائی تھی وہ مایوسی میں بدل رہی ہے، امریکی محکمہ خارجہ نے اسے پاکستان کا اندرونی معاملہ قرار دے دیا، ٹرمپ انتظامیہ کے گھٹنوں پر ہاتھ لگانے کی بجائے اللہ سےمعافی مانگو۔
گورنرسندھ نے مزید کہا کہ گورنرہاؤس میں یونیورسٹی بنانے کا دعویٰ بانی پی ٹی آئی کے وزیراعظم کا تھا، جب گورنر ہاؤس آیا تو پتہ چلا ان کے گورنر نےدیواریں اور مضبوط بنادی، گورنرہاؤس میں ایک نوکری کا کاغذ نہیں ملا،
ان کا کہنا تھا کہ بانی پی ٹی آئی نےوزیراعظم بننے کے بعدایک رات کراچی میں نہیں گزاری لیکن میں آج پی ٹی آئی کے کارکنان کو ایم کیو ایم میں شمولیت کی دعوت دیتا ہوں۔
