کراچی: گورنر سندھ کامران ٹیسوری کا کہنا ہے کہ کراچی روشنیوں کا شہر تھا اسے اب دوبارہ مجرموں کا شہر نہیں بننے دیناہے۔
اے آر وائی نیوز کے مطابق گورنر سندھ کامران ٹیسوری نے نارتھ ناظم آباد میں ہاکی اسٹیڈیم کا دورہ کیا اس موقع پر اولمپیئن اصلاح الدین، ڈاکٹر جنید علی شاہ ودیگر افراد موجود تھے۔
انہوں نے کہا کہ اصلاح الدین ہاکی کے لی جو کررہے ہیں وہ قابل ستائش ہے آج ڈاکٹر محمد علی شاہ بہت یاد آرہے ہیں، انہوں نے طویل عرصے تک کھیلوں کے فروغ کے لیے کردار ادا کیا۔
کامران ٹیسوری نے کہا کہ کراچی کا ایڈمنسٹریٹر اور بلدیاتی ایڈمنسٹریٹر ایم کیو ایم کے ہوں گے جبکہ بلدیاتی قوانین میں ترامیم، حلقہ بندیوں کے مطالبے پر عمل کیا جائے گا۔
گورنر سندھ نے کہا کہ ہم تین چیزوں پر کام کررہے ہیں ایک لوگوں میں محبت، دوریوں کا خاتمہ کرکے ہم آہنگی پیدا کرنا ہے۔
مزید پڑھیں: مولا جٹ بن کر ہی پاکستان کی بہتری کیلیے کام کروں گا، گورنر سندھ
کامران ٹیسوری نے کہا کہ میں جس کے در پر جاسکتا ہوں جارہا ہوں، ہمیں صحت کے ساتھ تعلیم کے شعبے پر بھی کام کرنے کی ضرورت ہے، سندھ حکومت کے ساتھ صحت، تعلیم کے نئے پراجیکٹس پر کام کررہے ہیں۔
انہوں نے کہا کہ وزیراعلیٰ سندھ سے گورنر کے تعلقات اچھے ہونا چاہیے میرے دروازے مراد علی شاہ کے لیے ہمیشہ کھلے ہیں، کراچی کو ایسے شخص کی ضرورت ہے جو اس کے دکھوں کا مداوا کرسکے۔
گورنر سندھ نے کہا کہ آصف علی زرداری کی خیریت دریافت کرنے گیا تھا، ان سے کہا صوبے کی ترقی کے لیے مکمل تعاون کے لیے تیار ہوں۔
انہوں نے مزید کہا کہ سیاست سیاسی جماعتوں کا کام ہے میں جوکرسکا وہ کروں گا، حیدرآباد میں یونیورسٹی کا ہمارا پرانا مطالبہ تھا جس پر عمل ہوا ہے۔
