اسلام آباد: وزیراعظم عمران خان سے گورنر سندھ عمران اسماعیل نے ملاقات کی، اس دوران شہرقائد کے لیے ترقیاتی پیکیج پر تبادلہ خیال کیا گیا۔
تفصیلات کے مطابق گورنر سندھ عمران اسماعیل اور وزیر اعظم عمران خان کے درمیان ہونے والی ملاقات میں کراچی کے ترقیاتی پیکیج گرین بس اور پانی کے امور پر بھی گفتگو ہوئی۔
وزیراعظم عمران خان نے کراچی کے ترقیاتی منصوبوں پر اطمینان کا اظہار کیا، اس دوران انہوں نے گورنرسندھ کو تھر کا دورہ کرنے اور رپورٹ پیش کرنے کی بھی ہدایت کی۔
وزیرِ اعظم کی زیرِ صدارت اجلاس گورنر ہاؤس سندھ کی بجائے اسٹیٹ گیسٹ ہاؤس میں ہوں گے
خیال رہے کہ گذشتہ ماہ عمران خان نے کراچی کا دورہ کیا تھا، وزیراعظم کی زیرِ صدارت اجلاس میں انہیں گرین لائن منصوبے، کے فور اور کراچی پیکیج پر بریفنگ دی گئی تھی۔
وزیرِ اعظم کے دورہ کراچی میں امن و امان سے متعلق اجلاس بھی تھا۔
امن و امان سے متعلق اجلاس میں گورنر سندھ عمران اسماعیل، وزیرِ اعلیٰ سندھ، کور کمانڈر کراچی، ڈی جی رینجرز اور آئی جی سندھ نے شرکت کی تھی۔
واضح رہے کہ وزیرِ اعظم عمران خان کے دورے کراچی پر انھیں کراچی آپریشن پر بریفنگ دی گئی تھی۔ ایم کیو ایم کے وفد نے عمران خان سے ملاقات کی اور ضمنی انتخابات سمیت دیگر امور زیرِ غور آئیں تھے۔
