site
stats
سندھ

عمران خان شروع سے منفی سیاست کرتے آئے ہیں، گورنر سندھ

کراچی : گورنر سندھ محمد زبیر نے کہا ہے کہ عمران خان شروع سے منفی سیاست کرتے آئے ہیں، ہماری کسی سے کوئی ڈیل نہیں ہوئی، عدالت کے ہر فیصلے کا احترام کریں گے۔

ان خیلات کا اظہار انہوں نے دو دریا سی ویو پر دیئے گئے عشائیے کے موقع پر میڈیا سے گفتگو کرتے ہوئے کیا، گورنر سندھ محمد زبیر کا پانامہ کیس کے فیصلے سے متعلق کہنا تھا کہ ہم کسی ڈیل کا حصہ نہیں ہیں، ن لیگ نے ہمیشہ عدالتوں کا احترام کیا ہے آئندہ بھی کریں گے۔

انہوں نے کہا کہ عمران خان شروع دن سے منفی سیاست کرتے آئے ہیں، وقافی حکومت کراچی میں پانی کے مسئلے کے حل کیلئے ہر طرح کا تعاون کررہی ہے۔

ایک سوال کے جواب میں ان کا کہنا تھا کہ اگلے سال اپریل تک کے فور اورگرین بس منصوبے جلد مکمل کرلئے جائیں گے،اس موقع پر سینیٹرنہال ہاشمی نے کہا کہ پی پی نے عوام پر بہت ظلم کیے ہیں، ان سے کہتا ہوں صراط مستقیم پر آجائیں۔

منظور وسان روز نواز شریف اور ان کے ترقیاتی کاموں کے خواب دیکھتے ہیں، پاناما کے حوالے سے کئے گئے سوال کے جواب میں ان کا کہنا تھا کہ ن لیگ کے خلاف ماضی میں بھی بہت غلط فیصلے آئے ہیں پاناما کو بھی اسی کی کڑی سمجھ کر قبول کرلیں گے۔

انہوں نے کہا کہ آج کے دن بھٹو صاحب کی روح پی پی پی کی موجودہ عوام دشمن پالیسیاں دیکھ کر شرمندہ ہوگی، ن لیگ کراچی کی قیادت کیلئے نرم رویہ رکھتی ہے، تقریب میں ن لیگ کے دیگر رہنماؤں سمیت غیرملکی کاروباری شخصیات نے بھی شرکت کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top