nisar-khoro گورنرسندھ ہوش میں رہیں ورنہ عدالت سے رجوع کریں گے، نثارکھوڑو
The news is by your side.

Advertisement

گورنرسندھ ہوش میں رہیں ورنہ عدالت سے رجوع کریں گے، نثارکھوڑو

لاڑکانہ : پیپلز پارٹی سندھ کے صدر اور صوبائی وزیر نثار کھوڑو نے کہا ہے کہ گورنرسندھ محمد زبیر بہت زیادہ بول رہے ہیں، ہوش میں رہیں، زیادہ آگے بڑھے تو ان کے خلاف عدالت سے رجوع کریں گے، عمران خان کی ذاتی زندگی پربہت سے سوالات ہیں۔

ان خیالات کا اظہار انہوں نے لاڑکانہ میں ایوان صنعت وتجارت کی جانب سے اپنے اعزاز میں استقبالیہ تقریب کے بعد میڈیا سے گفتگو کرتے ہوئے کیا۔

نثار کھوڑو نے کہا کہ سابق گورنر ڈاکٹرعشرت العباد نے بھی اپنی سیاسی جماعت سے لاتعلقی ظاہرکی تھی، لہٰذا محمد زبیر جماعتی وابستگی سے بالا ترہوکر اپنے عہدے کا پاس رکھیں۔

ایک سوال کے جواب میں نثار کھوڑو نے کہا کہ چیئرمین پی ٹی آئی عمران خان فرشتے کوئی نہیں ہیں، ان کی ذاتی زندگی پر بھی بہت سے سوالات ہیں۔

انہوں نے کہا کہ عمران خان یہ اعتراف کرچکے ہیں کہ وہ درست لوکل باڈیز کا نظام نہیں لاسکے، عمران خان کے پاس اب گو نواز گو کا نعرہ بھی نہیں رہا۔

سابق وزیر اعظم نواز شریف کی نااہلی سے متعلق ان کا کہنا تھا کہ نوازشریف کو ان کے عہدے سے نااہل کسی شخصیت نے نہیں بلکہ عدالت عظمیٰ نے کیا ہے۔

عدالت میں سب سے پہلے شیخ رشید اور جماعت اسلامی گئی تھی، انہوں نے کہا کہ سیاست میں مقابلہ ہوتا ہے اورعوام کے پاس جانے کا حق ہرایک جماعت کو حاصل ہے۔

واضح رہے کہ گورنر سندھ محمد زبیر نے اپنے حالیہ بیان میں گزشتہ دنوں کراچی میں ہونے والی بارشوں کے بعد پیدا ہونے والی صورتحال پر سندھ حکومت کو اپنی شدید تنقید کا نشانہ بنایا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں