کراچی: گورنر سندھ محمد زبیر کہتے ہیں کہ کراچی پیکج کسی سیاسی جماعت کے لیے نہیں بلکہ عوام کے لیے ہے۔ اس سلسلے میں تمام سیاسی جماعتیں مل جل کر کام کر رہی ہیں۔
تفصیلات کے مطابق گورنر سندھ محمد زبیر نے میڈیا سے گفتگو کرتے ہوئے کہا کہ ایم کیو ایم پاکستان اور پاکستان تحریک انصاف سمیت دیگر سیاسی جماعتوں نے بھی شہر کی ترقی کے لیے پروپوزل دیے ہیں۔
انہوں نے بتایا کہ وزیر اعظم نے وزیر اعلیٰ سندھ کو ریلوے سے متعلق تحفظات دور کرنے کا یقین دلایا ہے۔
گورنر سندھ محمد زبیر نے شہر میں امن و امان برقرار رکھنے کے لیے رینجرز ضروری قرار دی۔ ان کا کہنا تھا کہ تاجر برادری اور عوام کا رینجرز پر اعتماد ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
